اساتذہ اردو کی ترویج کے لۓ کوشاں رہیں: تہنیتی اجلاس سے بانگی پرویز اکبر صاحب کا خطاب
بانگی حیات باشاہ صاحب چیاریٹبل ٹرسٹ کے زیر اہتمام بانگی حیات باشاہ صاحب اسکول و مدرسہ دینیات پراٸمری اسکول آمبور جناب بانگی پرویز اکبر کی سرپرستی میں تعلیمی خدمات میں سرگرم عمل ہیں گزشتہ دنوں ڈاکٹر فضل اللہ انترجامی سابق میر مدرس بانگی حیات باشاہ صاحب اسکول اور اسی مدرسہ کے معلم جناب کے الطاف احمد کو تاملناڈو اردو اکاڈمی گورنمنٹ آف تامل ناڈو کے زیر اہتمام چینٸ میں منعقدہ اجلاس میں ان کی اردو خدمات کے اعتراف میں اعزازات تفویض ہوۓ ان کی خدمات میں ہدیہ تبریک پیش کرنے کے لۓ جناب پرویز اکبر صاحب منیجر و کرسپانڈنٹ نے ایک اعزازی نشست کا اہتمام مدرسہ دینیات میں فرمایا جناب کے۔ بابو ہیڈماسٹر نے خطبٸہ استقبالیہ پیش کیا اور ایوارڈ یافتگان کی خدمات میں مبارکباد پیش کی آپ نے جلسہ کے انتظامات بحسن و خوبی انجام دۓ۔ جناب پرویز اکبر صاحب نے اپنے صدارتی خطبہ میں ڈاکٹر فضل اللہ کی علمی اور انتظامی صلاحيتوں کو سراہا اور کہا کہ آپ ٹرسٹ کے لۓ اثاثہ ہیں آپ نے درس و تدریس میں بہترین کارکردگی کا ثبوت دیاہے نیز آپ اساتذہ کے کۓ قابل تقلید نمونہ ہیں جناب کے۔ الطاف احمد نے اردو خدمات بذریعہ سوشل میڈیا جاری رکھ کر اپنی شناخت متعین فرمائی ہے جو قابل تعریف ہے۔ سید نظام الدین صاحب میر مدرس بانگی حیات باشاہ صاحب اسکول نے اپنے خطاب میں فرمایا کہ فضل اللہ صاحب نے دونوں مدارس کی ترقی میں مثبت کردار ادا کیا ہے اردو، تامل، انگریزی زبانوں میں بیک وقت مہارت کے ذریعہ نسل نو کے اساتذہ کی رہبری کی ہے۔ آپ نے فرمایا الطاف احمد صاحب نے اساتذہ و ریسرچ اسکالرس کی فلاح و بہبودی کے لۓ سوشل میڈیا کے ذریعہ سنجيدگی سے کوشش جاری رکھی ہے اور ان کی اردو ڈیجیٹل لاٸبریری میں چھ ہزار سے زاٸد کتب سے عوام و خواص نے اکتساب فیض کیا ہے موصوف نے آپ کی اس خدمات کو غیر معمولی قرار دیا۔ جناب عرفان صاحب معلم مدرسہ دینیات نے اپنے خیالات کا اظہار کرتے ہوۓ اس اردو مخالف دور میں ایوارڈ یافتگان کی شمع اردو فروزاں رکھنے کی کوشش کو قابل قدر قرار دیا۔ جناب فضل اللہ صاحب نے جناب پرویز اکبر صاحب کا شکریہ ادا کرتے ہوۓ دعاٸیہ اشعار ان کی خدمت میں پیش کۓ نیز ان کی انتظامی صلاحيتوں کی تعریف کی اور اساتذہ و مدارس کی ترقی اور اردو زبان کی ترویج میں ان کی کوششوں کو مستحسن قرار دیا اور اپیل کی کہ اساتذہ اچھی زبان بولنے کا ذوق و شوق جوش و جذبہ پیدا کریں جناب الطاف صاحب نے اپنی ادبی خدمات کو جاری رکھنے کا عزم دہرایا جناب کریم باشاہ معلم بانگی حیات باشاہ صاحب اسکول کی شکریہ اداٸ اور مولانا منیر احمد صاحب امام و خطیب مسجد اکبر بانگی مارکيٹ کی دعاۓ خیر سے جلسہ بحسن و خوبی اختتام پزیر ہوا۔
کوئی تبصرے نہیں:
ایک تبصرہ شائع کریں