تمل ناڈو اسٹیٹ اردو اکادمی کاعظیم الشان مشاعرہ و اعزازی جلسہ
تامل ناڈو اسٹیٹ اردو اکڈمی حکومت تمل ناڈو کے زیراہتمام عظیم الشان مشاعرہ و اعزازی تقریب 28 جنوری بی٠ایم کنونشن ہال ٹرپلیکین چینٸ میں منعقد ہوا الطاف آمبوری کی رپورٹ کے مطابق جلسہ کی صدارت جناب ڈاکٹر محمد نعیم الرحمن صاحب ناٸب چیرمین اردو اکڈمی نے کی جناب شکیل اختر تامل ناڈو اسٹیٹ چیف انفارميشن کمشنر حکومت تامل ناڈو بطور مہمان خصوصی شرکت فرمائی پروفيسر ڈاکٹر ذاکر حسین صدر شعبہ عربی، فارسی،اردو مدراس یونیورسٹی اور جناب روح اللہ روحی میاسی اردو اکادمی چینٸ بطور مہمان اعزازی شریک جلسہ رہے۔ جناب ڈاکٹر طیب خرادی شعبہ اردو نیوکالج چینٸ نے استقبالیہ پیش کیا ڈاکٹر غیاث احمد صاحب شعبہ اردو نیوکالج چینٸ نے جلسے کی نظامت فرمائی ۔ صدارتی خطبے میں ڈاکٹر محمد نعیم الرحمن ناٸب چیرمین نے اردو اکڈمی کی کارکردگی پر مختصر روداد پیش کیا جس میں ریاست میں پراٸمری تا یونيورسٹی سطح میں اردو کو درپیش مسائل اور تدارک پرجامع رپورٹ پیش کیا مہمان خصوصی جناب شکیل اختر IPS نے اپنے خطاب میں اردو زبان کی خصوصيت اور اس کی ترقی و ترویج پر روشنی ڈالی اور شعرا۶ و ادبا۶ کو اردو زبان و ادب کی ترقی کے لۓ ان کی شاندار خدمات کو سراہاتے ہوۓ تمغوں سے نوازا ایوارڈ یافتگان میں ڈاکٹر فضل اللہ انترجامی، وفا اعظمی، الطاف احمد آمبوری، دولت مدراسی، فضل الرحمن فیض، ایوب مدراسی، ببر نواب، ہدایت اللہ حاضر،طاہر بجلی،آصف مدراسی، سراج شانہ اور عاٸشہ صدیقہ قابل ذکر ہیں۔ دوسری نشست میں مشاعرہ کا انعقاد ہوا جس کی صدارت جناب حیات افتخار سابق صدر شعبہ اردو قاٸد ملت کالج چینٸ نے کیا ڈاکٹر اعجاز حسین بانی کمال اردو اکادمی چینٸ نے نظامت فرمائی استاد شاعر جناب حسن فیاض، علیم صبا نویدی، شاہد مدراسی، ڈاکٹر فضل اللہ انترجامی، وفا اعظمی، کاتب حنیف صاحب، دولت مدراسی، ایوب مدراسی، ببر نواب، ہدایت اللہ حاضر، طاہر بجلی،آصف مدراسی، سراج شانہ اور عاٸشہ صدیقہ نے اپنے کلام سے سامعین کو محظوظ کیا اور داد و تحسين حاصل کیا۔ جلسہ میں کثر تعداد میں مشاہیر ادب و عماٸدین شہر نے شرکت فرمائی پروفيسر جعفراکبر خان کی ہدیہ تشکر سے جلسہ بحسن و خوبی اختتام پذیر ہوا۔
کوئی تبصرے نہیں:
ایک تبصرہ شائع کریں